Ka tau aku tapuae 

ki te papa nekeneke o te marae e pae nei,

 ki te tūahu wairua 

e makere nei i ōku take he tuku-whakahere ki tōku ihotanga.

Ka hūpeke atu taku titiro 

ki  te ātea o te ako, whakawhiti ki te pae o uta

 ki te pae o waho o tōku whare. 

Ka huri aku kamo ki te māhau o te pou Ngākau kaitiaki.

Mai i te māhau o te pou 

Ngākau kaitiaki 

ki te pou mua ko Ngākau Manaaki.

Mai i te pou mua

 ko Ngākau Manaaki ki te pou tāhū ko Ngākau Ora.

Mai i te pou tāhū ko Ngākau Ora 

e kite ana au ko nga pou tokomanawa ko Ngākau 

Aroha, ko Ngākau Māhaki.

Mai i te poutokomanawa 

Ngākau Māhaki ka huri aku kamo ki te pou

tūārongo ko Ngākau Whānau.

Mai i te pou tuarongo 

ko Ngākau Whānau ka eke au ki te tāhuhu, ko Ngākau Māori.   

Ka heke taku titiro 

ki tōku ukuinga, ka horoia ki te wai o nuku ki te wai o rangi 

he roimata 

e turuturu nei, Ka tae aku kanakana ki te whakaruruhau a Noa ki te puku o te kai

Kua rānea āhau tōku titiro 

i tōku huarahi ako, ka puta ki te whei ao ki te ao mārama.